下播之后，时间尚早。小汤想去看电影。宁波路广西路口的新光大戏院，今天上映古装片《董小宛》。周璇演董小宛，与徐风演的冒辟疆原本过着平静的日子。因为长得太漂亮，被人掳去进献给顺治帝。太后不喜欢董小宛，赶她出宫，去玉泉寺做了尼姑。顺治帝又跑到玉泉寺私会。董小宛此时已看破红尘，彻悟人生，对顺治没有感觉了。太后找人火烧玉泉寺，想要断了顺治的念想。听说董小宛去了五台山，顺治连皇帝也不当了，跑去五台山找，遍寻不得，偏偏遇到一个老和尚，被他点化，剃度出家。大帅哥舒适演的顺治帝最后剃了个光头，也算是为艺术牺牲了。周璇演出了那种从一开始的爱而不得，到最终的无欲无求，演技扎实，不愧为当红巨星。

董小宛拥有过两个男人的爱，冒辟疆当爱已成往事，顺治帝被迫为爱痴狂……三个人最终都成为孤岛。小汤看完电影，独自走在繁花的十里洋场，倍感寂寥。

第22章 ☆、脱底棺材

“叮，叮，叮！”

“打开《汤小姐信箱》，侬有困难尽管讲。电话94288，大家好，我是汤小姐。今朝夜里厢有只电话大家好好叫听听看，评评理。C女士，侬好。”

“侬好。吾想反映只情况，现在外面难民噶许多，侪是打仗造成额。不过，阿拉小区里厢有额老太，天天困垃长阿凳高头，没人管哦。撤尿撤污全部侪垃弄堂搿搭，一股味道哦，老远就闻得到。”

“老太几岁啦？”

“大概……六十几伐。”

“精神方面还可以伐啦？要吃眼三友补丸补补脑子伐啦，记忆力勿好？”这个植入竟然毫不违和。

“正常额呀。没啥毛病，侬覅看伊瞎吃八吃，身体比吾还好。”

“救济协会没来领啊？”

“伊不是难民。是本地人呀。”

“搿伊屋里厢人呢？”

“听讲有一额儿子，阿片鬼，搓麻将，钞票输光。乃么拨伊两套房子也卖脱。人也寻勿着，大概亢人家钞票，躽起来了。老太一家头只好露宿垃小区里。”

“伊本来就住垃倷小区里额咯？”

“是额呀。老早靠收房钿过日脚，搿两年房子涨嘞，卖脱一套，过两天没钞票嘞又卖脱一套，乃么没房子登了。天天困长阿凳，被头衣裳咯啥，堆嘞嘅，一塌糊涂。”

“落雨天哪能办？”

“伊拾了几块马口铁皮，搭了只棚棚。”

“嘎罪过啊！伊老公呢？”

“没看到过呀。阿拉小区旁边头有只小菜场，大家买菜侪要经过额呀。伊么搿搭撤伊搭撤，阿拉帮伊讲，侬勿好搿能样子，伊就讲，关侬啥事体！吾又没垃侬屋里厢撒咯。”

“搿啊勿讲道理额。甲长管伐啦？”

“伊又没偷物什，甲长保长就随便伊去。”

“邻居苦透。”

“是额呀。想想么也罪过。侬讲是伐？儿子儿子脱底棺材败家子，死人勿管，老太就搿能，拾拾垃圾，讨讨饭，过一天是一天。阿拉真额吃勿消。”

“好额，情况了解了。可怜，也可恨。人家讲养儿防老，碰着搿种儿子，防不胜防！大家有啥想法，可以打电话94288。相帮出出主意。”

一首歌之后，热线电话响个不停。接线生只能挨个儿排好顺序，嘱咐他们言简意赅，说重点。

“老早人讲，慈母多败儿。搿种人就是自家造成额。养了儿子，太宠，没教育好。样样听伊额，要啥畀啥，乃么自食其果。没啥好同情额。是小区里厢额人倒霉。”

“困嘞长阿凳上头么长阿凳拆脱呀，叫伊搬呀。嘎龌龊，勿讲卫生，人容易生毛病额呀。侬自作自受，覅拖牢邻居，影响人家呀，对伐？”

“无家可归真是蛮作孽额。关键要寻着伊儿子。伊儿子总归到辰光要来看伊额。一看到伊儿子就通知保长，捉起来，还债或者关牢间，戒毒咯啥。勿好让伊再做吸血虫吸下去，

没底了！”

“一个男人，有手有脚，不去寻工作，好吃懒做，坐吃山空。覅面孔。伊拉娘畀伊拖死，害死。搿种不肖子孙，社会败类，要判伊刑，吃官司，送伊去劳改。要不伊改得好啊？我死也勿相信。”

“伊从小就大手大脚惯了啦，香烟老酒吃了不过瘾，再吸毒、赌博，寻刺激。自家管不好自家。一眼责任心也没。再好额家底侪败光。真额是富不过三代。”

“我认得伊儿子额呀，老早一道搓过麻将额。伊吃香烟要吃好额，物什要吃新鲜额，啤酒吃起来八九瓶总归要额。钞票花起来大手大脚，外头以为伊是小开，实际上也就是靠屋里厢收收房钿过日脚，也不是啥大户人家。乃么听讲混到浦东乡下头地方去了呀，勿敢来阿拉小区里了呀，亢人家十几万嘞。”